Punia

By Lokahi Antonio

Book Id: WPLBN0002096926
Format Type: PDF eBook:
File Size: 3.10 MB
Reproduction Date: 6/22/2011

Title:	Punia
Author:	Lokahi Antonio
Volume:
Language:	Hawaiian
Subject:	Non Fiction, Education, Hawaiian Education
Collections:	Folklore, Authors Community, Literature, Favorites in India, Most Popular Books in China, Education
Historic Publication Date:	1994
Publisher:	Hale Kuamo'o

Member Page:	Hale Kuamoʻo Hawaiian Language Center
Citation APA MLA Chicago Antonio, B. L. (1994). Punia. Retrieved from http://www.gutenberg.cc/

Description
I ka poe heluhelu o ka Hoku Hawaii, eia makou ke hoopuka aku nei I keia wahi Moolelo Hoonanea, no ka pomaikai o ko ka Hoku poe heluhelu. He wahi moolelo kahiko keia no kela au kahiko o ka aina. A ua hoopuka aku makou i keia no keia mau pule e nee nei, me ka manaolana, ma ka hoomaka hou ana o keia makahiki ae, e oili aku ai ka “Moolelo Nani o Bene Ha”, a he moolelo hoi i hoopuka ia e kekahi kenelala kaulana o Amelika. Ua hoouna aku makou i ka puke o ia moolelo kaulana i Amelika, a e loaa mai ana ma mua o ka pau ana o keia makahiki. O ko makou iini, e loaa i ko makou poe heluhelu na moolelo hoonanea maikai, a he mau moolelo hoi i ku i ke ano maikai, e ohohia ia ai e ko makou poe heluhelu. E hoomanawanui mai oukou i keia wahi moolelo o kakou o keia mau pule e nee nei, a ke manaolana nei no nae hoi makou e loaa ana no he mau mea e hauoli ai, mai ka moolelo mai o keia wahi keiki a ka apiki o ka makani Apaapaa.

Excerpt
E noho ana ma kekahi wahi ma uka o Kohala, i kela au kahiko loa o ka aina, he kane me kana wahine. O ka inoa o ke kane, o ia no o Leimakani. A o ka inoa hoi o ka wahine, o ia o Hina. He loihi na la o ko laua noho ana me ka loaa ole o ka hua o ko laua noho hoao ana. O ka hana maamau i keia kanaka, o ia no ka mahiai uala ma uka paha o Honoipu. A o kana lawaia mau e hele ai, o ia no ka luu ula i kai o ia kahakai. Ia laua e noho ana me ka maikai, ua hoomaka maila o Hina e ono i ka niu. A o ka pilikia o keia ono a kana wahine, he kapu loa ka ai ana o na wahine i ia au o ka aina i ka niu. A ua hiki ole no ia Leimakani ke hooko i ka ono a kana wahine, oiai, he kanaka malama o ia i ke kapu o na akua o ia au kahiko o ka aina. A ma muli no o ia kulana o Leimakani, ua hiki ole ia ia ke ae aku e hooko i ka ono a kana wahine. Ua ulu maila nae ke ano hoohuoi i loko o Leimakani, he ano hookauhua keiki paha keia a kana wahine e ono nei, a ua waiho wale ihola no nae i ia mea i loko ona. Aole no hoi i loihi na la ma hope o kela ono ana o Hina i ka niu, ua kamailio hou maila no o ia i kana kane.

Table of Contents
No ka Olelo Wanana a ka Makaula. 1 -- No ka Hanau a Hanai ia ana o Punia. 5 -- No ka Make ana o Leimakani, ka Makuakane o Punia ia Kaialeale ma. 9 -- No ka Hana Maalea a Punia i ka Puali Mano. 14 -- No ka Hoolala ana o Punia e Hooko i kona Makaia. 17 -- No ke Ale Holookoa ana o Kaialeale ia Punia. 23 -- No ka Make ana o Kaialeale. 26 -- No ka Halawai ana o Punia me na Akua o na Kaha Wai Ole. 30 -- No ka Hana Maalea a Punia i na Akua. 34 -- No ka Pakele ana o Punia i ka Make a me kona Hoi ana i kona Aina Hanau … . 38 -- Na Papa Wehewehe Olelo. 43 -- Papa Wehewehe Huaolelo. 45 -- Papa Wehewehe Mamalaolelo. 51 --