Na Haawina Mua O Ka Hoailona Helu (First Lessons in Algebra)

By Lahainaluna

Book Id: WPLBN0002096793
Format Type: PDF eBook:
File Size: 18.24 MB
Reproduction Date: 5/2/2011

Title:	Na Haawina Mua O Ka Hoailona Helu (First Lessons in Algebra)
Author:	Lahainaluna
Volume:
Language:	Hawaiian
Subject:	Non Fiction, Education, Algebra-Mathematics
Collections:	Authors Community, Mathematics
Historic Publication Date:	1843
Publisher:	Mission Houses Museum Library

Member Page:	Hale Kuamoʻo Hawaiian Language Center
Citation APA MLA Chicago Lahainaluna, B. (1843). Na Haawina Mua O Ka Hoailona Helu (First Lessons in Algebra). Retrieved from http://www.gutenberg.cc/

Description
Kuai kekahi keiki i ka ohia a me ka alani i na keneta he 12, no ia mau mea. Ua oi pakolu hoi na keneta o ka alani imua o ko ka ohia. Ehia na keneta o kela a o keia? E kau iho i ka w i hoailona no na keneta o ka ohia. A o ka w ke kumukuai i ka ohia, a he pakolu ko ka alani i ko ka ohia; nolaila, he mau w ekolu ke kumukuai i ka alani. He w hookahi ko ka ohia, a he akolu mau w ko ka alani, ina e huia lakou, he mau w eha o ka huina. Aka, he 12 na keneta i lilo no ia mau mea a elua, nolaila, ua like na w eha me ia mau keneta he 12. A, ina he like na w eha me ka 12, alaila, ua like ka w kookahi me ka hapaha o ka 12, oia 3 mau keneta. O ka w ka hoailona o na keneta kuai i ka ohia, nolaila, ua make ka ohia i na keneta 3. Ina i make ka ohia i 3 keneta, ua pakolu na keneta i make ai ka alani, oia 3 ekolu keneta. Nolaila, he 9 na keneta ke kumukuai i ka alani. Ma keia hana ana, ua kauia ka w i hoailona no ka mea i ike ole ia; oia no na keneta o ka ohia, a o ka alani. E hiki pono no ka mea e ae i hoailona. Aka, ma keia helu, he mau no ke kakau i na hua hope o ka Pia-pa, i m, n, a me ka w, i hoailona no na mea i ike ole ia; a e hoailona hoi i na mea i ikeia ma na hua mua o ka Pia-pa, o a, e, i, a pela aku.

Excerpt
Ua oi pa 4 aku na makahiki o Ioane imua o ko Iakobo; a o ka huina o ko laua mau. makahiki, he 20 ia. Ehia na makahiki o kela, o keia? E hoailona i na makahiki o Iakobo i ka w, no ka mea, he pa 4 na makahiki o Ioane i ko Iakobo, 4 mau w ka hoailona o kona mau makahiki. Nolaila, hookahi w a me 4 w, oia no 5 w ka huina o ko laua mau makahiki. Aka, he 20 ka huina o ko laua mau makahiki; nolaila, ua like 5 w me ka 20, a o ka w hookahi me ka hapa 5 o ka 20, oia na makahiki 4; oia ko Iakobo mau makahiki. Ina hoi ua like ka w hookahi me ka 4, alaila, ua like na w 4 me ka 16, oia no na makahiki o Ioane. Aole kakou e kakau hookahi w, elua w, ekolu w, aka, e kakau no i ka huahelu mamua o ka hoailona; penei, he w, 2 w, 3 w, 4 w, a pela aku. Ua kapaia na hua helu imua o ka w, he heluna. Ina aole i kauia. ka heluna imua o ka hua, hookahi wale no ia; penei, he w, a 1 w, ua like pu no laua. I ka hana ana i ko ka ui 2, ka hoailona no na makahiki o Ioane, 4 w ia. A i ka loaa ana o kona makahiki, ua hoonuiia ka w me ka 4, 4 w. Nolaila, o na hoailona a pau, e kau ana ka heluna mamua ana, ua hoonuiia ua hoailona la i kona heluna. Penei, ina e hoailonaia ke 6 i ka w alaila 3 w, 3 ono ia, oia he 18; ina hoailonaia ka 10 i ka w, alaila 3 w, 3 ia 10, oia he 30; a 7 w, he 70 ia; 9 w hoi, he 90. He mea pono no hoi ma keia helu ke kau i kekahi hua a i heluna, imua o ka hoailona w, penei, a w, a ua lilo ka a i heluna no ka w. A ina he hoailona ka a w, a ua lilo ka a i heluna no ka w. A ina he hoailona ka a no ke 3, a o ka w, 5 ia, alaila o ka a w, 5 kolu ia, oia he 15.