He Moolelo No Na Holoholona Wawae Eha (A History of Quadrupeds)

By Lahainaluna

Book Id: WPLBN0002096940
Format Type: PDF eBook:
File Size: 45.71 MB
Reproduction Date: 6/29/2011

Title:	He Moolelo No Na Holoholona Wawae Eha (A History of Quadrupeds)
Author:	Lahainaluna
Volume:
Language:	Hawaiian
Subject:	Non Fiction, History of the Americas (Canada, Mexico, Central and South America, etc.), Hawaiian History
Collections:	Education, Authors Community, History, Social Sciences, Fine Arts, Literature
Historic Publication Date:
Publisher:	Mission Houses Museum

Member Page:	Hale Kuamoʻo Hawaiian Language Center
Citation APA MLA Chicago Lahainaluna, B. (n.d.). He Moolelo No Na Holoholona Wawae Eha (A History of Quadrupeds). Retrieved from http://www.gutenberg.cc/

Description
O ka Elepani ka mea nui o na mea wawae eha a pau Ina e ku kekahi kanaka maluna o ke poo o kekahi, alaila, like ko laua kiekie me ko ka Elepani. Ewalu kapuai ke kiekie o kekahi, a he umikumamalima ko kekahi. Aole i like ke ano o ka Elepani me ko kekahi ilio e. Ua kiekie kuna kua, a ua kuapuu; aole hoi i like me ke Kamelo. Ua nui loa kona kino; ua pokole kona ai, a ua nui hoi; ua palahalaha hoi kona mau pepeiao, aole nae i ku iluna. ua pili no i ke poo; ua uuku loa kona mau maka e like paha me ko ke kao: ua nui loa kona mau wawae, a ua loihi, a ua manamana hoi, elima no mana, ua pokole nae. He ano e wale no kona ihu, ua loihi loa me he laau la, a hiki loa ka nuku ilalo i ka lepo; a ma kela aoao, keia aoao o ka ihu, he niho nui loa, oia ka mea i oleloia he niho Elepani. Ua keokeo loa kekahi Elepani, aole nae i nui na Elepani keokeo he ahinahina wale no ka nui. Ua manoanoa kona ili, a ua puupuu, a ua huluhulu iki. Aia ma na ululaau o Inia kahi e holoholo ai, a ma Aferika no hoi kekahi. O na lau laau a me na lala laau, a me na aa kana mea ai nui. E ai no hoi ia i ka mauu a me ka raiki, a me ka huapalaoa, ia hua aku ia hua aku.

Excerpt
Ma na aina naaupo ma ka Hikina o A sia ua manao nui ia ka Elepani, ua hoomanaia no kekahi. Malama loa ke alii o Pegu i eha Elepani, he Elepani keokeo wale no. Hoonani loa ke alii o Pegu i ua mau Elepani la a hanai aku la ia lakou i ka ai i hoomakaukau nui la me ka inai a me na mea ono; a waiho aku i ka ai maloko o na kiaha gula wale no; malaila na Elepani e ai ai. Haawi aku no ia i na kauwa e lawelawe no lakou; a e holoi aku ia lakou i ka wai i malamaia maloko o na hakeke kala. Ua hoonaniia lakou i na gula pepeiao a me na apo gula, a me na daimana a me na mea maikai. I ka wa i hele aku ai ke alii, hele aku keia mau Elepani imua ona. Aole lakou i hoohanaia, aole loa. I ka wa i hele aku ai ke alii e ike ia lakou ma ko lakou hale, kukuli lakou imua ona, a oia no kekahi i kukuli imua o lakou. Aole i kukuli ia mau Elepani ia hai, i ke alii wale no. no ka mea, pela lakou i aoia aku ai.