No Ka Iimi Na'Auao

By Puke Heluhelu Iii

Book Id: WPLBN0002096949
Format Type: PDF eBook:
File Size: 4.35 MB
Reproduction Date: 8/4/2011

Title:	No Ka Iimi Na'Auao
Author:	Puke Heluhelu Iii
Volume:
Language:	Hawaiian
Subject:	Non Fiction, Social Sciences, Hawaiian Culture
Collections:	Authors Community, Education
Historic Publication Date:	1995
Publisher:	Department of Education

Member Page:	Hale Kuamoʻo Hawaiian Language Center
Citation APA MLA Chicago Heluhelu Iii, B. P. (1995). No Ka Iimi Na'Auao. Retrieved from http://www.gutenberg.cc/

Description
I ka hiki ana mai o ke kau ua, o ka hooilo, ola hou aela na mea e ulu ana ma ka honua. Ua kapa ia ia wa ka makahiki. Mai na awawa a ka ae kai, ua akoakoa mai ka poe i mea e hookipa ai i ka hoi hou ana mai o ke akua o Lonoikamakahiki. Lawe ia maila na hookupu, he mea ai a he ia kekahi, a ua komo mai lakou i na hana lealea a me na hana hooikaika kino, no ka mea, ua hoomaha ia na hana a pau ma ia wa makahiki. I kekahi makahiki i ka wa kahiko, ia lakou e hoolaulea ana, ua pau koke ka hanakuli o ka pahu pai. O ia ka manawa i hanau ia ai ke keiki hanau mua a ke alii. Ua kena ia akula na kahuna kiekie nana e pule no ka pomaikai o ka makuahine a me kana keiki. A o ka holo akula no ia o ka elele i kahi o ka lehulehu e ku ai me ka hai i ka lono. “He keiki kane, he keiki kane ka hanau mua, a Keaweikekahialiiokamoku, ke alii nui.” A laila, ua kani hou na pahu pai, a oi loa aku ka hanakuli nui no ka hoolono ana i ka nuhou. Ua pule no hoi na kahuna i hoohanohano ai ke keiki. Ua puliki ke alii wahine o Lonomaaikanaka i kana keiki a pili pono. He mamo o ia mai ke kuauhau o Piilani, ke alii nui o Maui. Ua noa, ua pau kona mau la i noho ai ma lalo o ke kapu e malama ai i kana keiki i hanau ole ia mai ka ino o ka anaana mai. Aohe ana hana i naukiuki ai kona mau akua. Ua kapa ia kana keiki, o Lonoikamakahiki, o ia hoi o Kalaninuiiamamao. He hoailona ke keiki no na olelo paa a Lono a me ka hoomau ana i ke kuauhau o keia mau alii.

Excerpt
O ke kumu o ko Paao haalele ana i kona aina hanau, ua hakaka laua, me kona kaikuaana, o Lonopele. O Lonopele, o ia ke kahuna a he kanaka mana, he akamai, a he ike i kela mea, i keia mea ma kona ano kahuna; he mau kanaka mahi ai laua. O Lonopele, ua mahi ai o ia i kona aina a maikai, a ua kanu o ia i na laau hua ai he nui loa i loko o kona kihapai. I kekahi manawa, ua pau i ka aihue ia ka hua o na laau kanu a Lonopele ma kona kihapai, a manao ihola o ia, ua hele ke keiki a Paao e kolohe i ka hua o kana laau, no laila, hele maila o ia ia Paao, a olelo maila no ka pau o ka hua o kana laau i ka Paao keiki. Olelo aku hoi o Paao, “Ua ike pono no nae paha oe, ua pau io ka hua o ko laau i kuu keiki” Pane maila hoi o Lonopele, “Ua ike au i ka hele ana o ko keiki i laila, aole nae au i ike i ka lawe ana, aka, ua manao no nae au, nana no i kolohe.” Olelo hou aku o Paao, “Ina pela, e kaha ana wau i ka opu o kuu keiki, a i loaa ole kau hua, a laila, pehea” Olelo mai no hoi o Lonopele, “Aole iau ia, aia wale no ia i kou manao. I ka wa hea no la hoi kou ike ana e kaha ia ana ka opu o ke kanaka, a ia oe wale ae nei no ke kaha ia.” Pane aku no o Paao, “Aole, e kaha ana au i ka opu o kuu keiki, a i loaa ka hua, pono oe, aka, i loaa ole, a laila, ua hewa oe.” A no ka paa loa hoi o ko Paao manao e kaha i ka opu o kana keiki, no laila, kakaha ihola o ia i ka opu o kana keiki, aole nae i loaa kekahi hua i loko, no laila, kena akula o ia ia Lonopele e nana mai, aka, i maila nae o Lonopele, “Ooe no paha ke nana i ka opu o kau keiki.” A o ua Paao nei hoi, minamina loa ihola o ia i kana keiki, a olelo ihola hoi o ia, “E imi ana hoi au i mea e make ai kau keiki (ka Lonopele), a e ku hoi kau kumakaia, a e haalele au i keia aina.” No laila, kapili ihola o Paao i mau waa e holo ai, a paa na waa, he mau waa maikai loa, no laila, hookapu ihola o ia, aohe kanaka hele, aia a pau ka lolo ana o na waa.